abc-consulting.org

Rregullat e reja të karantinimit në Gjermani

abc-consulting — Sun, 08 Nov 2020 11:05:15 +0000

Rregullat e reja të karantinimit për ardhjen në Gjermani të personave nga vendet e rrezikuara futen në fuqi me 8 nëntor. Ndër vendet e rrezikuara janë edhe të gjitha vendet e Ballkanit Perëndimor: Shqipëria, Kosova, Maqedonia e Veriut, Serbia, Mali i Zi dhe Bosnjë-Hercegovina, si dhe të gjitha vendet fqinje të Gjermanisë (përveç Danimarkës).

Cilat janë rregullat e reja?

Prej 8 nëntorit personat që vijnë nga vendet e rrezikuara në Gjermani duhet të futen në karantinim (vetizolim) të obligueshëm 10-ditorë. Vetizolimi mund të shkurtohet nëse siguroni një test negativ ndaj virusit Corona. Por testi mund të bëhet vetem pas pesë ditësh në karantinë. Kjo do të thotë se vetizolimi pesëditor është i obligueshëm, pastaj mund të bëni testin dhe nëse testi del negativ, mund të dilni nga vetizolimi. Rezultatin e testit duhet ta ruani të paktën 10 ditë dhe menjëherë duhet të njoftoni Gesundheitsamt-in (Entin e shëndetit publik). Kujdes: Karantinimi dhe testet janë në kompetencë të landeve, ndaj informohuni në landet ku udhëtoni, sepse mund të ndodhë që ka dallime. Një rregull i ri në Gjermani është edhe regjistrim i obligueshëm online për të gjtihë ata që vijnë nga vendet e rrezikuara. Regjistrimi duhet të bëhet para ardhjes në Gjermani dhe këtë dokument duhet ta keni me vete, si dëshmi se jeni regjistruar. Qëllimi është evidentinimi dhe kontrollimi më i lehtë i personave që vijnë në Gjermani – nëse po i respektojnë rregullat apo jo. Regjistrimi mund të bëhet në këtë link: https://www.einreiseanmeldung.de/

Përjashtimet?

Në Gjermani ekzistojnë disa përjashtime për personat që nuk duhet të futen në karantinë. Në këto grupe bëjnë pjesë ndër tjerësh: – Personat që nuk kanë qenë më gjatë se 24 orë në një vend fqinj – Personat që kanë vizituar familjet e tyre në një kohëzgjatje deri në 72 orë – Personat që udhëtojnë çdo ditë për shkak të punës apo studimeve – Të punësuarit në sektorin e transportit të mallrave apo personave – Të punësuarit në shëndetësi – Diplomatët dhe „përfaqësuesit e lartë të organeve të shtetit“ – Udhëtarët tranzitë… Por kujdes: Këto rregulla zbatohen nga landet dhe ato vendosin nëse do të futen menjëherë me 8 nëntor në fuqi apo jo. Ndaj mund të ketë dallime mes landeve në Gjermani.

Linqet:

Mësoni gjermanisht këtu

Dërgimi i parave në vendlindje këtu

Vende pune në Gjermani këtu

Sigurimet në Gjermani këtu

Der Beitrag Rregullat e reja të karantinimit në Gjermani erschien zuerst auf abc-consulting.org.

Viza Shengen

abc-consulting — Mon, 02 Nov 2020 12:36:54 +0000

Për të hyrë në Gjermani, njerëzve nga vendet e treta, siç është Kosova, u duhet një vizë. Në këtë artikull, ne do të përqendrohemi në vizën 90 ditore dhe si ta merrni atë.

Viza 90-ditore

Kjo vizë është menduar për qëllime turistike dhe u jepet njerëzve që dëshirojnë të vizitojnë Gjermaninë. Njerëzit nga Kosova kanë nevojë për këtë vizë, por jo edhe njerëzit nga Shqipëria.

Kjo vizë ju mundëson të qëndroni maksimalisht 90 ditë, përkatësisht 180 ditë, jo vetëm në Gjermani, por në të gjithë zonën Shengen.

Çfarë kërkohet për të marrë vizën?

Shkaku i udhëtimit në Gjermani
Financimi i shpenzimeve të jetesës dhe udhëtimit nga pasuria ose të ardhurat e veta
Gatishmëria e pronarit të vizës për per t’u larguar nga zona Shengen para skadimit të vizës
Sigurimi shëndetësor që është i vlefshëm për të gjithë zonën Shengen dhe për të gjithë kohëzgjatjen e qëndrimit tuaj, me një shumë minimale prej 30.000 euro.

Si mund të aplikoni për vizë?

Hapi 1

Përgatitni aplikacionin:

Caktojeni një termin për të paraqitur kërkesën tuaj. Ju mund të dorëzoni kërkesën tuaj tre muaj para udhëtimit të planifikuar.

Plotësoni formularin.

Hapi 2

Aplikoni për vizë. Ju duhet të paraqiteni personalisht në terminin e caktuar në ambasadë. Në këtë termin, Ju paguani taksën dhe përgjigjeni në pyetje rreth udhëtimit dhe qëndrimit në Gjermani. Përveç kësaj, do të bëhet fotografia juaj dhe do të merren shenjat e gistërinjve tuaj.

Hapi 3

Tani duhet të pritni derisa ambasada gjermane të kontrollojë aplikimin tuaj. Kjo zakonisht zgjat deri në 15 ditë.

Hapi 4

Ju do të merrni përgjigjen nëse do të merrni ose jo vizën. Ju mund ta merrni pasaportën tuaj me postë me DHL, ose mund të shkoni përsëri në sektorin e vizave dhe ta merrni atje. Ambasada e Gjermanisë në Kosovë ju rekomandon që këtë ta bëni përmes DHL.

Ku mund të kërkoj një termin?

Ju mund të aplikoni për një termin për vizën Shengen në faqen e internetit të Ambasadës Gjermane në Kosovë. Ky është linku, ku mund të bëni këtë :https://service2.diplo.de/rktermin/extern/choose_realmList.do?request_locale=de&locationCode=pris

Cilat dokumente më duhen për vizën Shengen?

Formulari i plotësuar dhe i nënshkruar.
Dy fotografi biometrike të pasaportës. Të dy fotografitë duhet të bëhen brenda tre muajve të fundit në përputhje me kushtet për një fotografi për vizë.
Një pasaportë e vlefshme.
Rezervimi vajtje-ardhje ose itinerari. Duhet të prezantohen datat dhe numrat e fluturimit që tregojnë hyrjen dhe daljen nga zona Shengen.
Një dokument që vërteton se keni sigurim shëndetësor të udhëtimit për të gjithë zonën Shengen, me një mbulim minimal prej 30.000 euro në rast të një urgjence mjekësore si sëmundje, aksident apo edhe kthim në rast vdekjeje.
Dëshmi akomodimi. Një dokument që tregon se ku do të jetoni gjatë gjithë qëndrimit tuaj në zonën Shengen.
Vërtetimi i burimeve financiare. Dëshmi se keni para të mjaftueshme për të mbajtur veten financiarisht gjatë qëndrimit tuaj në vendin Shengen.
Vërtetimi i tarifës së paguar të vizës. 80 € për të rriturit dhe 40 € për fëmijët e moshës 6 deri në 12 vjeç.

Linqet:

Mësoni gjermanisht këtu

Dërgimi i parave në vendlindje këtu

Vende pune në Gjermani këtu

Sigurimet në Gjermani këtu

Der Beitrag Viza Shengen erschien zuerst auf abc-consulting.org.

Mësimi i gjermanishtes online

abc-consulting — Sat, 31 Oct 2020 15:20:51 +0000

Mësimi i gjermanishtes mund të jetë shumë i vështirë për shumë njerëz. Përveç kësaj, kurset në klasë janë shpesh shumë të shtrenjta. Në këtë artikull do t’ju prezantojmë disa opsione si mund të mësoni gjermanisht (me çmim të ulët) në internet.

Ne do t’i ndajmë këto kurse në në ato me dhe pa certifikata. Ne po e bëjmë këtë sepse, për shembull, ju mund të merrni një kurs online që është dukshëm më i lirë se një kurs normal dhe pastaj nëse mendoni se keni arritur një nivel të caktuar gjuhësor, mund të bëni veçmas një kurs tjetër për të marrë certifikatën në Institutin Goethe.

Kurse me certifikatë

SGD

SGD është një shkollë me mësim në distancë nga Darmstadt. Ajo ofron shumë kurse dhe studime që mund të bëhen plotësisht online, duke përfshirë një kurs të gjermanishtes me një certifikatë tel B1. Kjo certifikatë pranohet në Gjermani. Ky kurs zgjat 9 muaj dhe pas përfundimit të suksesshëm do të merrni një certifikatë për gjuhën gjermane me nivelin B1. Mirëpo, ky kurs është dukshëm më i shtrenjtë sesa kurset e lartpërmendura pa certifikatë.

Ekziston edhe mundësia që së pari të testoni kursin dhe t’ju dërgohet një paketë informacioni falas. Në këtë paketë gjenden të gjitha informacionet në lidhje me kursin dhe do të merrni një kapitull, të cilin mund ta shikoni falas. Për të marrë paketën me informacione, duhet vetëm të plotësoni formularin me emrin tuaj, adresën dhe detajet e tjera të kontaktit.

Nëse ju pëlqen kursi dhe përmbajtja e paketës së informacionit, mund të porositni kursin dhe të regjistroheni. Kostot janë rreth 135 € në muaj për 9 muaj. Pra, tërë kursi me certifikatë B1 kushton rreth 1215 €.

Kurset e gjermanishtes online pa certifikatë

Për fillestarë (A1)

Për kurs fillestar ka shumë mundësi si ta mësoni gjuhën. Online mund të gjeni edhe disa libra të mira me të cilat mund të filloni mësimin e gjuhës, me kosto shume të ulëta. Një libër shumë të përshtatshëm në këtë nivel mund ta gjeni këtu:

Skillshare

Në Skillshare keni mundësi të bëni jo vetëm kurse të gjuhës gjermane, por edhe kurse që kanë të bëjnë me tema të ndryshme, duke filluar nga mësimi i gjuhëve deri tek marketingu digjital dhe programimi. Kurset gjermane që ofrohen këtu janë veçanërisht të përshtatshme për fillestarët që nuk kanë aq shumë përvojë me gjuhën gjermane.

Gjëja e mirë tek Skillshare është se keni qasje të pakufizuar në të gjitha kurset, me një kosto mujore prej vetëm 10 € në muaj. Ka vërtet shumë kurse të gjuhës gjermane që ofrohen këtu.

Tani mund ta provoni programin madje 7 ditë falas. Kjo do të thotë se ju mund të filloni kursin tuaj të gjuhës gjermane dhe të regjistroheni falas.

Përveç kësaj, ju mund ta anuloni pajtimin tuaj në çdo kohë dhe nuk jeni të obliguar të vazhdoni kursin.

Udemy

Një program tjetër që është i ngjashëm me atë të Skillshare është Udemy. Edhe këtu ka kurse të ndryshme, duke filluar nga kurset e gjuhës deri tek kurset e mediave sociale. Dallimi midis dy platformave është se këtu ju paguani për një kurs dhe nuk keni kosto mujore. Në Udemy shpesh ka edhe aksione të zbritjeve, kështu që çmimet e kurseve janë shumë të ulëta.

Ju mund të vendosni vetë se cili model (Skillshare ose Udemy) është më i përshtatshëm për ju. Të dy opsionet janë shumë të përshtatshme për fillestarët.

Deutsche Welle

Deutsche Welle ofron kursin e vet të gjuhës gjermane. Për dallim nga kurset e tjera, ky kurs është falas. Kjo ofertë është e ndarë në kapituj dhe kategori të ndryshme, kështu që mund të ushtroni drejtpërdrejt temat me të cilat keni probleme. Ju gjithashtu mund të zgjidhni midis niveleve të ndryshme (nga A1 deri në C2).

Goethe Institut

Instituti Goethe ofron gjithashtu kurse të ndryshme, ku mund të mësoni gjermanisht për punë ose për studim. Mirëpo, këto kurse janë gjithashtu dukshëm më të shtrenjta se kurset e nivelit fillestar p.sh. tek Skillshare ose Udemy. Çmimi fillestar i kurseve pa mësues është 120 €, kurse kurset me një grup dhe mësues kushtojnë rreth 399 €.

Gjëja e mirë kur e përfundoni një kurs online pa certifikatë është se ju kurseni shumë para, sepse kurset janë dukshëm më të lira. Përveç kësaj, pas përfundimit të një kursi online, ju mund të merrni veçmas një certifikatë që njihet në Gjermani (nga Instituti Goethe ose certifikatën telc), duke kursyer kështu mjaft para për taksat e kursit. Kjo formë rekomandohet veçanërisht për fillestarë (niveli A1 ose A2).

Mirëpo, nëse dëshironi të regjistroni një kurs ku shoqëroheni nga mësues dhe ku merrni një certifikatë, ka edhe disa mundësi në internet.

Natyrisht, ekziston edhe mundësia për të ndjekur kurse në klasë, si për shembull kurse të Institutit Goethe. Me këtë artikull, ne kemi dashur t’ju tregojmë edhe disa mundësi të tjera ku mund të përmirësoni gjermanishten tuaj dhe të zotëroni gjuhën gjermane.

Linqet:

Mësoni gjermanisht këtu

Dërgimi i parave në vendlindje këtu

Vende pune në Gjermani këtu

Sigurimet në Gjermani këtu

Der Beitrag Mësimi i gjermanishtes online erschien zuerst auf abc-consulting.org.

Gjermania në recesion të thellë

abc-consulting — Sun, 10 May 2020 18:55:44 +0000

Për shkak të virusit Corona (Coronavirus), Gjermania sikur dhe mbarë bota, po përballet me krizën më të thellë ekonomike pas Luftës së Dytë Botërore. Gjermania është përballur me një krizë më të madhe ekonomike vetëm në vitet 1930, në kohën e depresionit të madh ekonomik.

Rritet papunësia

Në Gjermani është rritur edhe papunësia. Në tetor ka pasur 2.760.000 të papunë, që do të thotë rreth 6%.

Pas mbylljes së plotë në pranverë dhe ngritjes së papunësisë, në qershor dhe korrik ka filluar të përmirësohet gjendja. Ekspertët thonë se gjendja do të vazhdojë të përmirësohet, nëse pandemia Corona nuk shkakton një lockdown të dytë.

Rënie e madhe ekonomike

Ekspertët gjermanë vlerësojnë se rënia ekonomike gjatë vitit 2020 do të jetë rreth 5,5%. Eksporti i Gjermanisë do të jetë gjatë këtij viti më i ultë për 11,8%, ndërkohë që do të bie edhe konsumi i brendshëm për gati 8%. Pesimistët kanë frikë se bilanci në fund të vitit 2020 do të jetë edhe më i keq.

Mirëpo në qoftë se gjërat shkojnë siç parashikohet, Gjermania do të shënojë rritje ekonomike gjatë vitit 2021 me rreth 5%, ndërsa mendohet se rritja e zhvillimit ekonomik do të vazhdojë edhe në vitin 2022.

Gjendje e rëndë në gastronomi, industri…

Gjendja më e rëndë është në gastronomi ku gjatë pandemisë nuk kanë punuar mbi 93% e punonjësve. Numri i fluturimeve nga Gjermania për vendet tjera ka rënë në prill për 98%, që do të thotë se turizmi de facto nuk ka ekzistuar fare në kohën e pandemisë. Ta papunë kanë qenë edhe rreth 68% e punonjësve në industrinë e automjeteve. Gjendje e rëndë është edhe në shumë fusha të tjera ekonomike. Ndaj shumë sipërmarrje, por edhe institucionet e shtetit, e kanë pritur me padurim hapjen e uzinave, fabrika, restoranteve. Masat lehtësuese futen në fuqi me 11 maj.

Plani i qeverisëv për dalje nga kriza

Gjermania ka hartuar edhe një plan për rimëkëmbje ekonomike pas pandemisë së virusit COVID19.

Plani përbëhet nga katër etapa. Faza e parë parashikon sigurimin e ndihmave financiare për ekonominë – në veçanti sipërmarrjet e vogla dhe të mesme.

Në fazën e dytë janë parashikuar ndihma për kompanitë që merren me organizimin dhe mbajtjen e panaireve, për sektorin e turizmit, kulturës etjerë. Ndërsa faza e tretë dhe katërt parashikojnë një “program ekonomik të përshtatur me situatën dhe nevojat”.

Der Beitrag Gjermania në recesion të thellë erschien zuerst auf abc-consulting.org.

Çfarë sjell Ligji i ri për punë në Gjermani?

abc-consulting — Fri, 28 Feb 2020 17:19:06 +0000

Në Gjermani ka hyrë në fuqi me 1 mars Ligji i ri për imigrimin e fuqisë së kualifikuar punëtore nga shtetet jo anëtare të Bashkimit Evropian (vendet e treta), ku bëjnë pjesë edhe Shqipëria, Kosova, Maqedonia e Veriut… Ja rregullat e reja të punësimit.

Më 01.03.2020 kanë hyrë në fuqi rregullat e reja për imigrimin e fuqisë punëtore të kualifikuar në Gjermani. Ky Ligj krijon mundësi të reja për punësimin e punonjësve me kualifikime dhe profesione të ardhura nga vendet jo anëtare të BE-së për të punuar në Gjermani.

Këtu mund të gjeni punë

Ligji i ri – çfarë ndryshon?

Ligji i ri i imigrimit u mundëson punëtorëve të kualifikuar dhe personave me
shkollim të lartë nga vendet e treta (pra jashtë Bashkimit Evropian, ku bëjnë pjesë edhe Kosova dhe Shqipëria) të emigrojnë më lehtë në Gjermani.

Përcaktimet ligjore ekzistuese për punonjës të kualifikuar me diplomë të shkollës së lartë/universitare vazhdojnë të mbeten të vlefshme.

Personat që duan të kërkojnë punë apo duan të fillojnë punë në Gjermani, ende kanë nevojë për pajisje me vizë. Aplikimi bëhet në Ambasadën gjermane në Prishtinë, Tiranë, Shkup… pra në vendet e origjinës.

Për personat që nuk kanë kualifikimin e mjaftueshëm apo nuk kanë ndonjë kualifikim profesional, vlejnë rregullat e njëjta si më parë. Pra nuk përfshihen me rregullat e reja.

Kush konsiderohet fuqi e kualifikuar punëtore?

Fuqi e kualifikuar punëtore konsiderohen personat me diploma univeristare si dhe personat me kualifikime profesionale që njihen në Gjermani. Diplomë profesionale duhet të nostrifikohen, pra verifikohen, në Gjermani. Në Bonn të Gjermanisë është hapur një qendër e cila jep informacione se në cilat vende mund të bëhet vlerësimi i diplomës. Linku i Qendres:

https://www.anerkennung-in-deutschland.de/html/de/zentrale-servicestelle

Çfarë nevojitet për të kërkuar vizë për personat e kualifikuar?

Për gjetjen e një vendi pune sipas Ligjit të ri nuk mjafton vetëm kontrata e punës, por edhe njohja e diplomës. Kur të njihet diploma apo kualifikimi, atëherë mund të paraqitet kërkesa për vizë.

Së pari duhet të bëhet pra njohja zyrtare, verifikimi, i kualifikimit tuaj nga autoritetet përkatëse në Gjermani.

Informacionet për procedurën mund t’i gjeni në linkun:

www.anerkennung-in-deutschland.de

Kjo procedurë duhet të fillohet sa më parë, nëse dikush dëshiron të gjejë vend pune në Gjermani. Procedura mund të fillojë menjëherë.

Për vizë pune mund të aplikoni pas njohjes së kuaifikimit tuaj dhe pas gjetjes së një oferte për punë në Gjermani.

Kjo procedurë vlenë për fuqinë e kualifikuar punëtore. Ndërsa për veprimtaritë ndihmëse apo për personat që duan të mësojnë ndonjë profesion – nuk vlenë.

Njohja e diplomës apo kualifikimit nuk është e nevojshme, nëse një preson ka kualifikim dyvjeçar në Gjermani, apo nëse ka një diplomë universitare të lëshuar nga një shkolle/universitet gjerman.

Me ligjin e ri, personat mund të shkojnë në Gjermani dhe gjashtë muaj të kërkojnë punë. Kusht është njohja e gjuhës dhe diplomat përkatëse. Nuk ka mundësi për ndihma sociale.

Procedura për viza në Ambasadën gjermane

Viza mund të kërkohen prej datës 1 Mars 2020.

Terminet sipas procedurës së re mund të caktohen vetëm nëse e keni kryer procedurën e njohjes së diplomës apo kualifikimit profesional.

Në këtë rast, terminin duhet të caktoni në linkun e Ambasadës (www.pristina.diplo.de/termin) në kategorinë „Viza të tjera nacionale“.

Informacionet për terminet i merrni në faqen e internetit të ambasadës përkatëse. Aty mund të gjeni edh e informata të tjera lidhur me procedurat e vizave.

Procedurat për njohjen e diplomave në Gjermani mund të marrin disa muaj, ndaj rekomandohet që procedurat të fillojnë menjëherë.

Rregullat për „Ballkanin Perëndimor“

Deri tani sipas rregullave për fuqi punëtore nga Ballkani Perëndimor është kërkuar vetëm një kontratë pune, për të marrë vizë pune në ambasadë.

Sipas rregullave të reja, kërkohet një ofertë për punë, por edhe njohja e diplomës nga autoritetet gjermane. Rregullat për fuqi punëtore nga Ballkani Perëndimor vlejnë ende, por terminet sipas këtyre rregullave edhe më tej priten zakonisht më gjatë se një vit.
Në verë pritet të merret një vendim i ri që prek rregullat e fuqisë punëtore nga Ballkani Perëndimor.

Mësoni gjuhën gjermane këtu

Der Beitrag Çfarë sjell Ligji i ri për punë në Gjermani? erschien zuerst auf abc-consulting.org.

Ekonomia gjermane ka nevojë për punëtorë të huaj

abc-consulting — Sat, 02 Feb 2019 13:56:40 +0000

Vende të lira pune

Gjermania ka nevojë për fuqi të huaj punëtore edhe në kohën e pandemisë Corona. Në veçanti ka nevojë në sektorin e shëndetësisë dhe përkujdesjes për të moshuarit, në sektorin e ndërtimtarisë, në fushën e teknologjisë (IT). ABC-Consulting ju njofton edhe me listën e vende të lira të punës. Për më shumë mund të shikoni për shembull në Gehaltde, Jobbörse, Make it in Germany apo në Arbeitsagentur (Agjencinë Federale për Punë).

Në Gjermani ka ende dhjetëra mijëra vende të lira pune. Këto vende mund të kërkohen dhe të gjenden në burza të ndryshme për punë. Varësisht nga nevoja, ju mund të kërkoni edhe këshillime konkrete nga ABC-Consulting.org – mund të na drejtoheni me e-mail apo në rrjetet sociale në faqet e ABC-Consulting në Facebook dhe Instagram.

Mësoni gjuhën gjermane këtu

Spitalet dhe fabrikat nuk mund të punojnë pa të huaj

Shumë spitale, shtëpi për të moshuar, sipërmarrje dhe fabrika në Gjermani nuk mund të punojnë normalisht pa të huajt. Në spitale gati çdo i pesti aktualisht ka origjinë të huaj. Në industrinë e mishit, rreth 40% e të punësuarve janë me origjinë të huaj. Në sektorin e prodhimit të gjërave ushqimore rreth 37%, ndërsa në industrinë e betonit rreth 34% e të punësuarve janë me origjinë të huaj.

Një përqindje shumë e lartë e të huajve ëshë i punësuar edhe në hotelieri dhe gastronomi (rreh 30%), në bujqësi (29%). Rreth 30% e të punësuarve të huaj janë edhe në ndërtimtari, apo siç thuhet në gjuhën e popullit në „baustellë“. Ndërkohë që përqindje shumë të lartë të të punësuarve të huaj ka edhe në hotelieri, magazinim, industrinë e metalit…

Këtu mund të gjeni punë

Der Beitrag Ekonomia gjermane ka nevojë për punëtorë të huaj erschien zuerst auf abc-consulting.org.

Sa janë rrogat në Gjermani?

abc-consulting — Mon, 28 Jan 2019 14:19:23 +0000

Shumë persona janë të interesuar të punojnë në Gjermani për shkak të rrogave dhe një perspektive më të mirë. Po sa janë rrogat në Gjermani?

Rrogat në Gjermani nuk mund të krahasohen me ato në Shqipëri, Kosovë dhe vendet tjera të Ballkanit Perëndimor. Por mos harroni: Rrogat në Gjermani llogariten si të hyra bruto. Ndërkohë që kostot e jetës, varësisht nga qyteti ku jetoni, mund të jenë shumë të larta.

Këtu mund të gjeni punë

Më së miri paguhen, për shembull, specialistët e stomatologjisë, të cilët mund të fitojnë rreth 117.000 euro bruto në vit. Mjekët „normalë“ fitojnë rreth 78.000 euro bruto, ndërsa menaxhërët e fondeve financiare rreth 75.000 euro. Këto llogari mund të ndryshojnë varësisht nga shumë faktorë.

Shumica dërmuese e njerëzve që vijnë nga Ballkani në Gjermani fitojnë megjithatë shumë më pak, sepse ata bëjnë kryesisht punë me kualifikime më të ulëta.

Rrogat sipas profesioneve

Për shembull, punëtoret në rregullimin e dhomavenë hotele marrin nga 19.000 euro bruto në vit. Ndërsa pastrueset/pastruesit rreth 18.000 euro bruto.

Rroga e një parukieri/frizeri është rreth 21.000. Kamarieri paguhet rreth 22.000 euro, ndërsa punëtorët në ndonjë recepcion të hotelit mund të llogarisin me rreth 24.000 euro bruto në vit.

Në gastronomi janë rrogat pak më të larta. Një kuzhinier mund të llogarisë për shembull me rreth 25.000 euro në vit. Një teknik i stomatologjisë fiton rreth 26.000, ndërsa shoferi i kamionit rreth 27.000 euro bruto në vit.

Rroga bruto nënkupton…

Rroga bruto është sasia e përgjithshme e parave të cilën merr një person. Nga kjo shumë duhet të hiqen tatimet, pagesat për sigurim shëndetësor, pagesat për solidarizim, tatimet për kishë (ata që janë anëtarë të kishës), pagesat në rast se mbetesh i papunë dhe të dhënat tjera të domosdoshme… Pas këtyre pagesave, mbetet rroga neto, të cilën e keni në dispozicion dhe nga e cila duhet të paguani vendbanimin, ushqimin…

Llogaritja e rrogës

Në emër të tatimeve dhe të dhënave të tjera në Gjermani paguhen prej 1/3 e deri në gati 50% të rrogës, varësisht nga gjendja familjare, numri i fëmijëve, niveli i rrogës… Por varesisht nga kontrata, mund të ketë edhe pagsa shtesë. Kjo varet natyrisht nga punëdhësi, kualifikimet tuaja, dhe marrëveshja me punëdhënësin. Në shumë raste, varësisht nga kontrata e punës, pagesa shtesë ka edhe për punën gjatë orëve të natës, për punën gjatë festave apo të dielave, për punë shtesë… Ndaj në këto raste nuk mund të thuhet se cila është rroga fikse që do të merrni në fund të muajit, sepse varet nga shumë faktorë të tjerë.

Tatimet fetare

Në Gjermani anëtarët e kishës katolike apo ndonjë kishe tjetër paguajnë anëtarësinë/tatime për kishën. Ndërsa besimtarët e fesë myslimane nuk paguajnë. Por në Gjermani së fundi është dëgjuar edhe ideja për pagesa të tatimeve për besimtarët e fesë islame, me qëllim që xhamitë dhe organizatat fetare të financohen nga shtetasit gjermanë dhe besimtarët në Gjermani dhe jo nga shtete të tjera. Deri tani, ky është vetëm një debat, që do të thotë se ende nuk ka vendim.

Sigurimi shëndetësor

Nuk mund të thuhet se sa duhet të paguani sakt për sigurimin shëndetësor, sepse lartësia varet nga disa faktorë. Së pari, varet nga mëyra e sigurimit – sigurimi privat apo i sigurimi ligjor i domosdoshëm. E dyta, varet gna kontrata e punës – me punë të rregullt apo si bashkëpunëtor i lirë, punëtor i pavarur, student, apo keni ndonjë kontratë tjetër. Tek sigurimet e shtetit zakonisht duhet të paguhen rreth 14,6 % e rrogës. Prej 1 janarit 2019 është futur në fuqi ligji i cili thotë se gjysmën e parave për sigurime i paguan punëmarrësi ndërsa gjysmën tjetër punëdhënësi. Pra ju duhet të paguani mbi 7,3% të rrogës bruto. Por zakonisht ju duhen edhe sigurime shtesë – varësisht nga institucioni ku jeni siguruar.

Pensionet dhe pagesat për të papunët

Në Gjermani duhet të paguhen edhe paratë për sigurimin pensional. Në vitin 2018, niveli i pagesave për pension ka qenë rreth 18,6% nga rroga bruto. Por sikur edhe tek sigurimi shëndetësor, ky shërbim ndahet së bashku me punëdhënësi, që do të thotë se gjysmën e paguani ju, ndërsa gjysmën tjetër punëdhënësi. Më konkretisht: Ju duhet të paguani 9,3% nga rroga juaj bruto.

Ndërsa për të papunët paguhet një shërbim prej rreth 3% – gjysmën paguan punëdhënësi, gjysmën ju. Pra ju paguani 1,5% të rrogës bruto.

Të gjitha të dhënat janë natyrisht të bazuara në llogaritjet aktuale dhe ato mund të ndryshojnë varësisht nga kontrata që keni, punëdhënësi dhe kushte të tjera.

Mësoni gjuhën gjermane këtu

Llogarinë konkrete të rrogës mund ta bëni këtu.

Rrogat mesatare mund të i shikoni këtu.

Der Beitrag Sa janë rrogat në Gjermani? erschien zuerst auf abc-consulting.org.

Profesionet që kërkohen më së shumti në Gjermani

abc-consulting — Sun, 20 Jan 2019 12:46:31 +0000

– Asistent teknik

– Inxhinier mekanik

– Elektricist

– Instalues elektrik

– Elektricist për ndërtimin

– Hidraulik

– Teknik i ngrohjes

– Punëtor pa kualifikime për ujë

– Shofer

– Monitorim i infrastrukturës hekurudhore

– Mirëmbajtja e infrastrukturës në hekurudhat

– Infermierë në pediatri

– Infermierë në kirurgji

– Infermierë në klinikë

– Anesteziolog

– Ndihmës anesteziolog

– Kujdestarë për të moshuar

– Specialistë në klinika gjeriatrike

– Specialistë në onkologji

– Specialistë në endoskopi

– Specialistë në nefrologji

– Specialistë në rehabilitim

– Profesionistë të shëndetësisë

– Teknikë kompjuterash

– Hidraulikë

– Muratorë

– Mekanikë makinash

– Gomistë

Der Beitrag Profesionet që kërkohen më së shumti në Gjermani erschien zuerst auf abc-consulting.org.

Çfarë ndryshime sjell projektligji i ri për punë në Gjermani?

abc-consulting — Sun, 20 Jan 2019 12:20:58 +0000

Me 1 mars 2020 ka hyrë në fuqi Ligji i ri për fuqinë punëtore nga vendet e treta, ku bëjnë pjesë edhe Kosova, Shqipëria, Maqedonia e Veriut dhe vendet tjera të Ballkanit Perëndimor.

Ligji parashikon disa ndryshime shumë të rëndësishme për ardhjen e punëtorëve në Gjermani.

Disa nga ndryshimet

Ligji parashikon ndër tjerash:

Barazimin e plotë të punëtorëve nga vendet e treta me ata nga vendet e Bashkimit Evropian. Do të thotë: Punëtorët me kualifikime të njëjta nga vendet e treta, ku bëjnë pjesë edhe Shqipëria, Kosova dhe vendet tjera të Ballkanit Perëndimor, janë të barabartë me ate të vendeve të BE.
Në Gjermani mund të konkurrojnë të gjithë punëtorët, pra jo vetëm ata që konkurrojnë në profesionet ku ka mangësi të fuqisë punëtore.
Personat e interesuar për punë, mund të vijnë në Gjermani gjashtë muaj dhe të kërkojnë një vend pune. Kushtet: duhet të njohin gjuhën gjermane dhe duhet të kenë para të mjaftueshme për jetë. Këta persona nuk kanë të drejtë për ndihmë sociale. Nëse brenda gjashtë muajve nuk gjejnë ndonjë vend pune, duhet të kthehen në vendlindje.
Personat që gjejnë një vend pune duhet të marrin një kontratë të nënshkruar nga punëdhënësi dhe punëmarrësi dhe me këto dokumenta duhet të kërkojnë vizë pune.

Ligji i ri parashikon lehtësime edhe në njohjen e diplomave. Sipërmarrjet gjermane dhe autoritetet kanë kanë bërë të ditur se do të punohet për lehtësimin e marrjes së vizave të punës në ambasada, por deri tani nuk është arritur ndonjë zgjidhje e cila shkurton afatet e pritjes së vizave në ambasada.

Në raste specifike, për vendet e punës ku nuk ka fuqi të mjaftueshme pune, mund të ketë lehtësime edhe sa i përket njohjes së gjuhës gjermane. Në raste të caktuara mund të vendosë vet punëdhënësi nëse mjafton niveli i njohurisë së gjuhës.

Mësoni gjuhën gjermane këtu

Autoritetet gjermane ruajnë të drejtën që për profesione të caktuara të vendosin se janë plotësuar kërkesat, që do të thotë se mund të ndalojnë ardhjen e fuqisë punëtore të profesioneve të caktuara – nëse në treg të punës nuk ka nevojë për këto profesione.

Ndryshimet për refugjatë dhe azilkërkues

Ligji i ri parashikon ndryshime edhe për refugjatët dhe personat me „duldung“ në Gjermani. Persona me „duldung“ janë ata ta cilët nuk i plotësojnë kushtet për mbetje të perhershme në Gjermani, por për shkaqe të ndryshime nuk mund të dëgohen nga Gjermania.

Refugjatët nuk mund të dëbohen nga Gjermania gjatë kohës sa janë në shkollim për ndonjë përgatitje profesionale, e cila zgjatë zakonisht 3 vjet.
Pas përgatitjes profesionale, vlenë rregulli „3+2“, si një standard që vlenë për të gjithë shtetasit e Gjermanisë. Do të thotë: Pas përfundimit të përgatitjes profesionale, refugjatët mund të mbeten dhe të punojnë në Gjermani, të paktën edhe 2 vjet.
Azilkërkuesit me „duldung“ mund të ndryshojnë statusin, nëse kanë pasur një vend pune për një periudhë prej të paktën 18 muajsh dhe kanë punuar me orarë të plotë, kanë paguar obligimet ndaj shtetit dhe e zotërojnë gjuhën gjermane.

Ligji i ri do të vlejë dy vjet, pra deri në vitin 2022, kur do të rishikohet efekti i tij.

Vendet e lira të punës në Gjermani mund të gjeni në tekstin: „Vende të lira pune në Gjermani“.

Der Beitrag Çfarë ndryshime sjell projektligji i ri për punë në Gjermani? erschien zuerst auf abc-consulting.org.

Si merren vizat në ambasadën gjermane në Shqipëri

abc-consulting — Thu, 17 Jan 2019 19:46:09 +0000

Për shkak të interesimit të madh për punë në Gjermani, ambasada gjermane në Tiranë ka publikuar një udhëzues për të gjithë ata që duan të punojnë me punë të rregullta në Gjermani. Udhëzuesi parashikon që personat që mund të punësohen me dokumente të rregullta ndahen në dy kategori: Personat të cilëve punëdhënësi u ka garantuar një vend pune fdhe që i përmbushin kushtet për lëshimin e vizës së punës. Si dhe personat që kanë kualifikime të veçanta pune.

Procedurat duhet të respektohen

Shumë shtetast të vendeve të Ballkanit Perëndimor ankohen për kohën tepër të gjatë të marrjes së terminit, pavarësisht se kanë siguruar kontratë pune. Për të shqyrëtuar sa më shpejtë kërkesën për vizë, shtetasit e huaj këshillohen që të respektojnë procedurat.

Para se të shkoni në terminin për vizë, duhet të siguroni dokumentacionin e domosdoshëm:

– Ofertën me karakter detyrues të vendit të punës, apo kontratën e nënshkruar të punës nga punëdhënësi dhe nga personi që kërkon vizë. Oferta apo kontrata duhet të jetë e saktë, të ketë të dhënat për punëdhënsin.

– Miratimin paraprak të autoriteteve gjermane përgjegjëse për punësimin.

Për të kërkuar vizë pune, duhet të respektoni disa hapa:

Hapi i Parë

Duhet të kërkoni një vend pune, apo një vend për kualifikim profesional tek një punëdhënës konkret në Gjermani, tek sipërmarrjet apo ndërmarrjet për kualifikimeve profesionale në Gjermani.

Kur të gjeni një punë të përshtatshme për ju në Gjermani, atëherë duhet të kërkoni punëdhënësit ofertëna e punës, apo kontratën e punës. Dokumenti (oferta për punë, apo kontrata) duhet të përmbajë të dhënat e plota për punëdhënësin dhe punëmarrësin (emrat, të dhënat, adresat, numrat e telefonit apo të dhëna të tjera për kontakt). Në dokument duhet të shkruhet edhe data e fillimit të vlefshmërisë së kontratës së punës, lloji i kontratës, paga bruto, orari i punës, koha e pushimeve, shërbimet e vëçanta.

Autoritetet këshillojnë që të keni të paktën tri kopje të njëjta të kontratës, ofertës – të nënshkruara nga punëdhënësi dhe punëmarrësi (pra nga sipërmarrja apo firma ku do të punësoheni, dhe ju personalisht.

Hapi i Dytë

Marrja e pëlqimit nga autoritetet gjermane kompetente për punësim. Për të lehtësuar marrjen e vizës, kërkohet miratimi për punësim nga autoritetet gjermane kompetente. Në të shumtën e rasteve, këtu kërkohet pëlqimi i Zyrës Federale për Punë apo Zyrës për të Huajt – për këtë duhet të konsultoheni me punëdhënësin.

Se cila prej këtyre dy autoriteteve është përgjegjëse në rastin tuaj, kjo varet nga fakti nëse ju keni qëndruar ndonjëherë më parë në Gjermani (Si azilkërkues, person i toleruar – duldung -, për shkollim, studime, punë, kurse gjuhe mbi 3 muaj etj…).

Punëdhënssit duhet t’ua paraqisni të dhënat e sakta, në mënyrë që më pas të mos keni probleme me marrjen e vizave, apo probleme me fillimin e punës. Pra nëse ju kërkohenn, duhet të jepni të dhënat e sakta për qëndreimet e mëparshme në Gjermani.

Këto të dhëna veirifikohen gjatë procedurës së dhënies së vizës së punës, ndaj të dhënat e pasakta mund të rezultojnë me refuzimin e kërkesës për vizë, apo me zgjatjen e procedurës së përpunimit të kërkesës tuaj.

Der Beitrag Si merren vizat në ambasadën gjermane në Shqipëri erschien zuerst auf abc-consulting.org.